Слухай Радыё Свабода і выйграй прыймач!

Радыё Свабода ў рамках перадачы "Настрой на Свабоду" распачынае новы конкурс для сваіх слухачоў, старт якога - ужо 5 верасьня. На сайце радыёстанцыі разьмешчаны ўмовы конкурсу: "ад панядзелка 5 верасьня да нядзелі 11 верасьня ўключна ў нашых праграмах - у нейкі момант ад 6 да 8 раніцы і ад 18 гадзіны да поўначы - 5 разоў прагучыць адмысловая абвестка.

Калі вы пачуеце гэткую абвестку - занатуйце дакладную дату і час, калі вы яе пачулі, і пасьля 11 верасьня дашліце вынікі на адрас Радыё Свабода, паштовая скрынка 111, Менск, 220005.

Хто пачуе ўсе пяць абвестак - мае большыя шанцы перамагчы. Калі такіх уважлівых слухачоў будзе некалькі - лёс пераможцы вырашыць жэрабя.

Пераможца будзе абвешчаны ў суботу 24 верасьня. Прыз - усехвалевы радыёпрыймач "Grundig" зь лічбавай настройкай."

2.09.2005