Радыё Свабода будзе вяшчаць па-новаму?

Радыё Свабода са спасылкай на Польскае прэсавае агенцтва паведамляе, што міністар замежных справаў Польшчы Адам Ротфэльд падтрымаў ідэю разьмяшчэньня на польскай тэрыторыі перадатчыка, празь які можна было б перадаваць перадачы Радыё Свабода на тэрыторыю Беларусі. Спадар Ротфэльд таксама адзначыў, што "важна рабіць захады, каб пашырыць доступ жыхарам Беларусмі да інфармацыі".

У распаўсюджаным паведамленьні не гаворыцца, якія перадатчыкі маюцца на ўвазе. Сайт "Радыё Беларусі" прагназуе, што гэта будуць, хутчэй за ўсё fm-перадатчыкі, паколькі Радыё Свабода вяшчае на кароткіх і сярэдніх хвалях, а таксама праз спадарожнік.

Словы высокапастаўленага польскага чыноўніка, бадай, не пакідаюць сумневаў у тым, што неўзабаве на нашу тэрыторыю распачнуць вяшчаньне замежныя станцыі. "Радыё Беларусі" піша, што сёлета варта чакаць "першых баёў на зараджаючымся інфармацыйным полі бітвы". І калі зараз яшчэ можна перахапіць тыражы газэт, якія друкуюцца за межамі краіны, а потым увозяцца сюды, то хвалі спыняць будзе нашмат цяжэй.

5.06.2005